車厘子小天地: 印度行--Day 10

2008年12月30日星期二

印度行--Day 10

過完聖誕,又開始寫遊記啦!

3.11.08(一) 為了避開人潮,以及要拍攝早上的泰姬陵,又要晨咁早爬起身啦!05:00起身,05:30出門,話咁快五分鐘已行到去泰姬陵啦!去到已有幾個人在排隊!我同小梁排隊等買飛,小高排另一條隊等入泰姬陵!

06:10 開門啦!入場費RS 750 (HKD 125) 全程最貴入場費的地方!

[youtube http://www.youtube.com/watch?v=cdp8voe1dG0&hl=zh_TW&fs=1]

安檢非常認真,要分開男女搜袋搜身!記住大袋係唔俾入架!原來迷你電筒都唔入得!好在我地醒目,即刻將電筒藏入leg bag內,哈!順利過關!

終於見到聞名已久的泰姬陵啦!因時間尚早,人潮未到,所以可以在中間位影了幅正中的泰姬陵!不過天未光齊,天色一片灰!

日出後,天變藍啦!可惜人潮很多!

泰姬瑪哈陵(Taj Mahal)，亦稱泰姬陵。是蒙兀兒第5代君主 ─ 沙．賈汗(Shah Jahan) 對他心愛的皇后慕塔芝．瑪哈(Mamtaz Mahal)之愛的見證。泰姬陵的建造背後其實有一段動人的故事，話說沙．賈汗與皇后結婚19年，皇后在1630年第14次生產中去世，臨終前向皇上要求了4個承諾，其中一項便是為她建造一座人人可瞻仰的美麗陵墓。於是沙．賈汗便耗資500萬盧比，以2萬名工匠，花了22年時間，完成了這座震驚世人的大理石藝術建築，作為愛妃長眠之所。

有說他於泰姬陵完成後，更有意為自己建一座以純黑大理石為材料，結構相同的陵墓，與之遙遙相對。然而，他的兒子Aurangzeb於晚年篡位套權，並將他囚禁於阿格拉堡(AgraFort)內，甚至不讓他看到泰姬陵。據說，ShahJahan每晚只能透過一塊大水晶石的折射，凝望數公里外的陵墓。ShahJahan七年後被囚禁至死，屍身葬於泰姬陵內泰姬身旁，或許這較另葬新陵墓更合此愛情故事的結局。

故事真係悽怨啦!

主體建築呈八角形，中央是半球型的圓頂，整座主體都以沙?賈汗最喜歡的白色大理石所建，而在白色的大理石上則鑲滿了各種顏色的寶石，拼綴成一些美麗的花紋與圖案。

在主體兩旁各有一座清真寺，以紅砂岩建築而成，頂部是典型的白色圓頂，而興建這兩座清真寺的主要目的，是為了維持整座泰姬陵建築的平衡效果，以達到對稱之美。

09:00 返回旅館,上天台餐廳對住泰姬陵食早餐,好有feel呀!

[youtube http://www.youtube.com/watch?v=rr3mH-cNHdw&hl=zh_TW&fs=1]

香蕉班戟+煎蛋 RS 60/P

早餐後出發啦!今日打算往法特普希克里Fatehpur Sikri,原本於昨日預約好的司機放我地飛機,累我地等佢半小時!於是臨時再找Agent聯絡的士司機,講好價錢,包車一天 RS 630,原來發現車係有冷氣的,要求開冷氣,但要加 RS100,嘩! HKD 16喎!唔…諗下先!原來仲有得傾,Agent話只要我們肯去兩間商店參觀各十分鐘,便可免費開冷氣啦!咦,又幾鬼盞喎!於是司機先帶我地去Shopping!

一到商店,睇個款都係做高檔客個隻,開始計時,十分鐘,很快就過!但係商店的職員非常熱情,見到水魚入黎,對眼會發光,又披肩,又Saree又工藝品的show出來給我們看,還請我地飲Chai,但係sorry呀!我地唔係你地眼中的水魚呀!你地D貨咁貴,點買呀!我地黎睇下賺泠氣費架咋!

好快去完兩間Shop,再坐兩小時的車程,才到達法特普希克里Fatehpur Sikri,但係原來要再坐Rickshaw(RS 60 來回)進入,加上俾個貌似專業的導遊遊說我地請佢作講解,我地見價錢又唔貴(RS 150),況且地方咁大,有人介紹下都係好嘅!於是就跟住俾佢控制住兩小時啦!

法特普希克里Fatehpur Sikri

座落在阿格拉城西邊40公里處的法特普希克里城，又名勝利之城，是阿克巴大帝1571~1585年間精心規劃紀念伊斯蘭教蘇菲教派聖者沙利姆．奇斯蒂(Salim Chishti)的新都。

以紅砂岩建造的法特普希克里沒有堡壘來保護，然而整體設計卻非常的奇特，充分表達出阿克巴大帝的人道主義精神。只不過作為蒙兀兒帝國的首都只有10年（也有記載15年），阿克巴一聲令下又遷回舊都，之後法特普希克里就被遺棄。

法特普希克里城擁有6公里的城牆、7座城門，城內皇宮、公眾大廳、土耳其蘇丹宮、社交天井、流動涼水池、後宮、陵墓和印度最大的清真寺。
法特普希克里城內的建築遺蹟，可以分成兩個區域，一處是從售票處附近的公眾大廳進入，裡面包括伯巴勒之屋、米里蘭宮、潘契馬哈勒、私人大廳、久德哈拜宮…等宮殿。另一處是從布蘭德達瓦喳大門進去，裡面是迦瑪清真寺和伊斯蘭教聖人沙利姆．奇斯蒂的陵墓。

呢位貌似專業的導遊先生,講解的確係幾專業,不過亦相當專制!他要我們專心聽他講解,見到我地在傾計,會問返我地他講過d乜!哎呀,大叔,上堂考試咩,我地黎happy架!而且成日攞我地的相機,主動同我地影相,但係自己的技術又唔係好喎,影到我地背光,又肥(影相要就位先至唔肥嘛!),當我地補飛再影時又唔like,最嚴重的罪行,就係咸豬手啦!重有講到呀邊個邊個皇帝d性史時,居然問我地有乜意見!我地睬你至傻呀!告你性騷擾嗱!之後一於保持距離!到俾錢嘅時候,又玩嘢唔找錢!佢明知我地唔like佢,重要問Are you happy?為咗快d打發佢走,一於掩住良心話?Happy!Happy!下次請導遊?No way!