印度行--Day 16

9.11.08(日)今日行程非常詳盡,因每一情景都非常難忘,好想與你分享!

07:30 於旅館早餐,因為係房價包的,所以只係牛油果占多士,coffee or tea,係咁上下啦!

今日咁啱只得我哋三個參加Camel Safari之旅,並無其他旅客!開頭又話晚上到營地時會匯合其他旅客一起晚餐,最終又話佢地取消了booking,其實都唔知佢哋邊句真!不過我哋自己都玩得好開心!早餐後,要坐兩小時Jeep往沙漠!今次遇著一個口花花司機!

途經見到一些村婦,真係好佩服佢地D頂頭功!

口花花司機帶我哋去一些小村落參觀!之後給一點點小費給主人家便可!

見人要朦面的村婦

表演打羊奶,可能想做乳酪

地方細細,所以貯存物品都好考技巧,見到上面的存衣閣嗎?

參觀完後,司機車我哋到達沙漠地帶,將我哋三個交俾駱駝夫照顧!口花花司機明天再來接我哋走!

10:00 駱駝夫先安置我哋於樹蔭下休息!

再煮茶點給我們!

旁邊的小朋友圍在一起,期待著吃我哋吃剩的食物!

[youtube http://www.youtube.com/watch?v=GbTtSzbK17c&hl=zh_TW&fs=1]

小朋友知道是拍video,立即又叫又跳又唱歌,不過後來被駱駝夫喝止,真好笑!

[youtube http://www.youtube.com/watch?v=Jad3Gfc4wb4&hl=zh_TW&fs=1]

我哋呢兩日的糧餉

呢個就係我哋個tea啦!不過D果Jam都唔知開咗幾耐,真係唔敢食,車厘子只係食咗D餅乾同飲奶茶!

起行啦!呀Ann 同Andy話想先坐一坐喎!

正式出發啦!

負責照顧我哋的駱駝夫有兩位,其中一個只得十一歲,但佢話自己已畢業,開始要工作賺錢養家啦!另外的一位,唔好以為佢成個阿伯咁,其實佢只係得廿七歲咋!

見唔見到後面的小朋友追出來送我哋!

太陽伯伯的陽光太厲害啦!一於收埋塊面先!

行咗一粒鐘左右,我哋又去村落家訪啦!

一家大細歡迎我哋,但係雞同鴨講,好搞笑!小妹妹對我的camera好有興趣!

[youtube http://www.youtube.com/watch?v=1VF0Qdnvt-M&hl=zh_TW&fs=1] 

離開小村落後再上路,到一個大水庫打水

等打水其間,車厘子又跟小朋友嘻戲!

[youtube http://www.youtube.com/watch?v=c9IBDYr5mXk&hl=zh_TW&fs=1]

發現係Video後,又手舞足蹈一番!真可愛!

[youtube http://www.youtube.com/watch?v=-V_-0HbuWPY&hl=zh_TW&fs=1]

13:00 午餐時間到啦!駱駝夫起壇生火煮食,我哋就坐埋一邊等食…足足等咗成粒鐘先有得食!

駱駝夫話五顏綠色的係Pasta喎,要炸的,不過似食蝦片多d囉,喔喔脆的,幾得意o架!

駱駝夫煮午餐

[youtube http://www.youtube.com/watch?v=h9TTgNH23HM&hl=zh_TW&fs=1]

用沙來擦燒烤义你試得多,用沙來洗杯你見過未?

[youtube http://www.youtube.com/watch?v=v2fzJzbefCs&hl=zh_TW&fs=1]

好堅架!即場搓麵粉整薄餅呀!

[youtube http://www.youtube.com/watch?v=VVvL8iRhp_E&hl=zh_TW&fs=1]

登登登櫈….沙漠午餐終於有得食啦!好食真係唔講得….但係就好有風味啦….仲好有風沙味添!!!

14:15午餐後,駱駝夫問我哋今晚食唔食Chicken,問下幾錢?嘩!要成RS 500(HKD 80)架,而且無價講!其實我哋都唔知佢從中”掠”幾多,不過算啦!見今晚都無啖好食o架啦!殺佢啦!

跟住駱駝夫就一個人騎住隻駱駝,去咗唔知邊條村莊買雞啦!只剩下小駱駝夫在收拾午餐殘局及陪我哋!我地就瞓喺樹蔭下休息…等呀等…等呀等….等到樹蔭走晒位,太陽晒到屁股都唔見駱駝夫返….唯有移位再瞓過….終於起碼等咗粒半鐘,駱駝夫先帶坐隻喔喔雞返o黎!呢隻雞真係得來不易呀!!!

16:00終於再起程啦!

17:30 近黃昏,差不多到達營地的時候,唔知點解駱駝夫會俾隻雞走甩,於是上演一幕捉雞記!起碼捉咗五分鐘!其實可能係駱駝夫特別送俾給我哋嘅特備娛樂節目呢!真係差D笑死我!

[youtube http://www.youtube.com/watch?v=b2ZOAMtVF5A&hl=zh_TW&fs=1]

成功捉雞後,一齊步向無幾遠的營地進發,順便影下日落!

安頓後,唔好以為有得休息住,我哋要努力的執柴支生火呀!

駱駝夫又為我哋預備tea!

以下係殺雞實錄

可惜一隻新鮮雞,俾駱駝夫的印度煮法煮老晒啦!駱駝夫話咁先入味喎!唯有欣賞下人哋D印度廚藝啦!不過都係我哋D白切,豉油雞好食好多!

今晚晚餐的風沙味比午餐更強烈,因為要摸黑煮飯,駱駝夫用沙代替了鹽調味都唔出奇!

見到嘛,左手面的一忽,就係曾經俾咗好多娛樂我哋嘅雞雞啦!周圍有幾隻野狗,等待吃的哋吃剩的雞骨!

晚餐後,開始我哋嘅人少少野火晚會啦!

駱駝夫唱歌娛賓

[youtube http://www.youtube.com/watch?v=OkbedYZMo60&hl=zh_TW&fs=1]

22:00 唱完歌後,係時候要瞓啦!呢個就係我哋嘅OPEN TENT啦!駱駝夫離我哋無幾遠瞓!周圍有野狗陪伴!駱駝夫話d野狗no problem喎!講真都有d驚架!小梁係最快就寢的一個,我同小高唔瞓住,掛住影星星!

呢張係我部傻瓜機影嘅!都影到DD架!

下面兩張係小高架機影嘅,係咪正好多呢!其實肉眼見嘅星星比呢D相還要多好多,成世女都係第一次見咁靚嘅星空!重要成晚瞓得唔係好好,整晚望住個天空,D星星在慢慢移動,其實係地球在轉呢!真奇妙!