巴爾幹半島遊Day3--波斯尼亞

7.9.09(一) 波斯尼亞—薩拉熱窩—>Mostar

一夜好眠……

08:00 於Hostel廚房吃鮮奶麥片早餐(住宿包的),早餐後認識了一日本男子Masatoshi Umino,以英文及我剛學會的有限日語跟他閒聊了一會,便給小高催著要出門了!

Hostel的長長旋轉樓梯,拎住行李上落時更攞命!

今早繼續遊薩拉熱窩古城,

又再經過Cathedral of Jesus Sacred Heart,見有開門,入去參觀!

建於十九世紀,前教宗約望保碌二世於 1997 年在此主持彌撒.

08:50 於報紙檔買電車車票1.6KM(HKD 9.4),乘電車(約十分鐘)往古城外的Holiday Inn

上車後記住要打票呀!

Holiday Inn其實不是什麼景點,只是想看看以前曾被炮火攻擊過,現在復修完整的酒店,順便叫做出市區行下!

酒店裡面沒有想像般華麗!

與旁邊仍然未復修好的建築物相比下,Holiday Inn顯然是很矚目!

因時間有限,出市區只看了Holiday Inn,便搭電車(1.6KM)回古城了!

09:30於拉丁橋下車,一下車便踫見今早認識的日本人,又聊了一會,原來他正出發往Mostar,早我們半日前往!一起拍個照後便say goodbye了!

昨日來此拉丁橋的時候,只顧於一邊影相,唔記得咗要橫過呢條於歷史上咁重要的一條橋,於是今日特登返黎再行過!過到橋的另外一邊,見到有檔小販在賣嘢,行近d睇下賣d乜?啋……原來係”奀奀”同”爸爸”,阿嬸,在歷史名橋上賣d咁嘅嘢,你覺唔覺有辱咗條橋呢?

09:40 跟住張地圖去埋其他景點: St.Anthony’s Church

地下街Gazi Husrev Bey Bezistan

Jewish Museum 2KM(HKD 11.7)

參觀緊的時候,俾一個來自羅馬尼亞的女子問我地一大輪問題之後,都唔知佢想點,原來佢認錯咗我哋係佢之前見過的韓國人,真搞笑!不過外國人係難分我哋係日本定韓國定中國人嘅!好似我都好難分佢哋係美國,英國定法國啦!

商店街購物

薩拉熱窩的古城很細,半天已可遊覽完!

11:35 午餐—尋找美食的時候—Pitas,包有不同餡料的批,我們選了有肉的,味道很好!

當地人都喜歡吃的Cevapcici (肉條包)

午餐後,回Hostel Check Out,取回行李,先乘電車1.6KM(HKD 9.4)往長途巴士站,12:30乘巴士17KM(HKD 97)往波斯尼亞另一城市Mostar!(行李費1KM@)

班次頻密,車程2.5小時

14:55 到達Mostar,Hostel Dino的屋主 Dino來接車(free), 人生路不熟,有人來接車,感覺好溫暖!

步行五分鐘左右,已經到達Hostel Dino,位於古城與巴士站之間,地點非常方便!價錢非常便宜, 雙人房不連套廁不包早餐 €23/room,值得推薦!

Mostar(click入看歷史)是波斯尼亞 南部的城市，市內有條河名為Neretva。河上有條老橋Stari Most,見證了多年來此地的戰爭,直至94年停戰後,城鎮開始復興，2005年橋和附近的周邊地區被登記為世界遺產。

15:50 手上旅遊資料不多,但到步後取張地圖,便不難去每個景點,是關景點都好集中!

Karadozbeg Mosque 1557年建成,被譽為波斯尼亞最美麗的回教寺!

鐘樓

Kajtaz House—是一間有三百歷史的土耳其式古老大宅,現今仍有人居住,供人參觀! €2

屋內佈置全是古董

當日有位很親切的婆婆招呼我們,可惜她不懂英語,有點雞同鴨講!

最後她問我們要不要試下她自製的Rose Lemonale

當然要收費€1/一杯,又幾識賺錢喎!不過都幾好飲!

Mostar市內仍有好多戰後未復修好的建築物

17:00終於到達著名景點Stari Most了,果然好有渡假feel,因此地被納入為文化遺產後,政府大力發展旅遊業,使此地變得遊客處處!

想高角度腑瞰全城,非要踏上此回教寺Koski Mehmed Pasha Mosque不可€4 (只上塔€2)

先參觀回教寺Koski Mehmed Pasha Mosque

再上150米高的塔頂

Old Bazaar舊市集

18:00 老橋Stari Most

於橋頭有間歷史資料館,入去後又巧遇日本人Masatoshi Umino,一日見三云,真係有緣,呢次更交換e-mail,再上facebook成為了朋友,唔知….第日….會唔會……

歷史比起Stari Most更悠久,建於1558年,戰後需重建

猶太人教堂Synagogue

19:05 晚餐時間,按旅遊書介紹去了呢間SADRVAN餐廳,氣氛食物價錢都不錯!

點了Bey’s soup

Japrap(包心菜飯卷),Gipsy Veal(吉普賽牛肉),後者好正!呢餐盛謂€15

晚餐後再逛了一會,影下夜景,傻瓜係咁上下架啦!遲下啦,想買部單反機,再去學下影相,遲d d相應該會靚d !

去Day 4