9.9.09(三) 波斯尼亞-Mostar —->黑山共和國-Budva
今朝要晨早五點半就起身,05:49先食個福麵再上路!06:15 收拾行李Check out 出門
因為要搭巴士離開波斯尼亞,前往黑山共和國Montenegro(Click 入看歷史)!
黑山是剛於2006年才獨立的國家,是由塞爾維亞分割出來的!
黑山是一個多山的小國,山上又長滿松樹,遠看便覺得好黑,所以叫黑山!
因為唔知架巴士係06:30開出,定係07:00開出,所以06:30前到達巴士站,再問清楚,原來係07:00開出
我哋係去黑山共和國Montenegro的Budva,車票€30,另€1行李費,車程6.5hrs.
你都見張車票下段甩甩離離啦!好衰唔衰,車厘子上車被人查票時,真係唔見咗其中一張票的下段,車長要我哋補票,嘩,大拿拿€30喎,我哋當然堅持唔補啦!後來佢打電話回公司匯報一下,就唔使我哋補!查實要我哋補票,真係一D奶油都無,話晒擺明我哋係有買票的,再者係巴士票設計真係有問題,咁容易甩出,相信唔見下段的票常有發生!不過最終唔使補票,真係鬆一口氣!
話說波斯尼亞爭取版圖時,獲取了亞德利亞海的一段海岸線Neum,但將克羅地亞的國一分為二,因此由Mostar往Budva的時候,是先入克羅地亞的南部,再回波斯尼亞的Neum,再入克羅地亞的Dubrovnik,最後再入黑山共和國,共有四次經過關卡,給移民局職員上車檢查Passport!持特區護照者進入此幾個國家(包括黑山共和國),均可享免簽証待遇!
08:45呢度就係再入波斯尼亞國境的Neum,巴士停在此給我們小休15mins,在此有Toilet,小型Supermarket,及無敵大海境給欣賞拍照!
進入克羅地亞的關卡
移民局職員上車檢查Passport
13:30 終於到達黑山共和國的Budva,未出車站,已有好多嬸嬸站在車站外推銷民宿!
不過我哋早在網上預定住宿,就係呢間Bojkovic House!上網book的時候,以為是民宿,去到之後,才知道是住宅式酒店!沒有pick up服務,地圖又不夠清楚,我哋因兜了圈子,花了大半個小時都未找到!於是問路人,路人幫我哋打電話去酒店問,終於職員出路口來接我哋!後來才知道由小路往巴士站,只需五至十分鐘的步程!真笨!
酒店是新起的,連門牌也未做好,只貼個臨時的!
房間很舒適清潔,還有露台,獨立洗手間及小廚!€40/room(不包早餐)
露台外的景色
15:15 安頓之後,乘巴士往SV.Stefan(班次頻密) €3 (return ticket) ~10mins
就是被這延伸出的小島吸引,所以到SV.Stefan逛逛!
曬日光浴的好地方
Ann and Andy都話要曬
再Hea下,食下雪糕!
漫步行入小島
哎呀!入到去至醒起有網友都話過小島封閉了不准內進呢!不過唔知幾時再開放過!
唔入小島,唯有再曬下太陽…
玩下水啦!
準備離開的時候,不幸的事情發生了!小高的單反機趺咗落地呀!鏡頭爆開了,幸好還能操作,不過已令小高心痛不已!
17:40 乘巴士回Budva,步行入古城,途經很熱鬧的海濱長廊!
Budva 古城
古城雖舊,但周圍已被現代化商店入侵,不少名店,餐廳食肆,變得很商業化!
進入古城城堡€2
19:35晚上於古城的KNEZ餐廳晚餐€24/2p
Fish soup
Mussel
Sausage with fries
晚餐後於海濱長廊散步回酒店,途經旅遊公司的Sales推介,參加了明天的船河day trip!
呢個旅遊公司Sales,猥猥瑣瑣的,我地報名之後,又話請我哋去飲酒,又話教我哋游水,仲想擁抱我,我即刻同佢講我有老公的,叫他不要放肆,一於影低佢個衰樣俾大家睇!
去Day 6
沒有留言:
張貼留言