8.9.09(二) 波斯尼亞-Mostar—->Pocitelj—->Medugorje—->Mostar
08:15 於Hostel Dino的小廚煮快熟通粉,可惜個電爐勁慢熱,d通粉係浸熟多過係煲熟!搞到Ann and Andy都話好鬼難食!
今早小高才發現不見了水壺,可能是在昨晚的餐廳遺下了,決定回去找!順道去Tourist information center問巴士去Pocitelj及Medugorje情況!(一天內乘巴士去此兩處地方,要看準巴士時間才可!)
09:15由Hostel直接步行去到老橋Stari Most約十分鐘,到餐廳後找不到水壺,可能是途中掉了!以後的旅程唯有用汽水的膠水樽吧!
距離乘車去Pocitelj還有點時間,於是在古城逛逛及購物!
11:00 於長途巴士站乘巴士6KM(HKD 35)往Pocitelj(40min車程)
11:40Počitelj是波斯尼亞境內的一個村莊。 於1993年的波斯尼亞戰爭中,此村莊遭克羅地亞軍隊廣泛地轟炸 。 為了紀念在戰爭中被殺害的人民,及村莊遭到的破壞,在鎮的路旁架設了一個巨大的十字架!
村莊很細,半小時左右,已可上到相中左面的堡壘!
其間會經過鐘樓
仲有目到番鬼石榴
試下食,好酸的!
堡壘沒有人看守,不用買票!
行下呌下,終於上到堡壘頂!
風景優美,不枉咁辛苦行咗上黎!
13:10一邊欣賞風景,一邊開餐!係呀!呢餐d乾糧係香港帶黎架!慳d嘛!
午餐後落山,參觀回教寺 Dadzi-Alija Mosque
見到有村民賣無花果乾,及無花醬,我哋影完相後無幫襯,真係有d唔好意思!
跟住見到第二個村民賣新鮮無花果,原本2KM一份,俾我哋講到1KM(HKD 5.8)賣俾我哋!終於發市,你睇佢笑得幾開心!
新鮮無花果,個樣有d嚇人,好似d好多蟲仔咁,但係其實好甜好好味架!
14:40 乘巴士3.5KM(價錢跟去程不一樣,因為不同巴士公司)回Mostar(40mins),告知司機我們要去Medugorie,所以司機提示我們於那一個站下車!
15:35於Mostar再乘48號巴士往Medugorje3.5KM(HKD 20.5) (45mins)
話說於1981年六月廿四日,在Medugorje的一個山上,有六個少年人稱見到聖母瑪莉亞顯現,自此之後,不少天主教信徒都往此地朝聖!
下車後,行一段直路,經過很多賣天主教物品的商店,便到達St.James’s Church
St.James’s Church
不斷有很多人入教堂祈禱,非常虔誠!
戲肉在後,乘的士€5/2p 往Apparition Hill的山腰(5mins),再步行上山頂!
真係行山呀!無石屎路架!全部都係石,係”岩岩慚慚”的石呀!今天不是節日,都這麼多人上山朝聖,如果是復活節,聖誕節等時候,必定是人山海!
齋行未夠虔誠,要除埋鞋至行,先至夠誠心呀!
仲有好多聖經故事石碑在路邊,都係朝聖的目標!
不得不佩服他們對宗教的熱誠!不少上了年紀的信徒,拿著拐杖慢步上下山!
車厘子都行到成身汗
半小時後,終於行到了山頂的聖母像
兩位虔誠的修女
不少人在山頂休息,祈禱
休息過後下山,不過上山容易下山難,每步也要看清楚,否則好容易拗柴!
上山有的士,落山就….一架都見唔到!咁點算?我哋連旅遊巴都問埋,可唔可以載我哋落山,可惜食檸檬!唯有再截順風車,終於遇到一個善心人John Ivan,肯載我哋一程,佢哋正前往St Jame’s Church做彌撒,車上面有七個小孩,有四個是他的,其餘三個是鄰家的孩子,順道一起去教堂聚會!坐順風車感覺真係爽,為表感激,最後送上香港帶來的中國筷子一雙!
19:00很快便回到St Jame’s Church,不少人前往教堂做彌撒!
在商店街逛多一會,發覺同樣的貨物比山上售賣的更便宜!19:45 乘48號巴士3.5KM回Mostar(45mins)
20:30回到Mostar,不懂下車,直至巴士回到另一個巴士總站,邊問人邊看地圖,約行了20mins才回到Hostel,於Hostel附近的Grill Center晚餐!
叫了(肉條包)及雞包,芬達一支,非常滋味!€6/2p
晚餐後回Hostel Dino
去Day 5
沒有留言:
張貼留言