10.9.09(四) 黑山共和國-Budva ( Islands Day Trip)
07:50 於酒店焗米粉做早餐
今日參加了船河環島遊的Day tour,遊覽一下黑山的島嶼!€20/p
08:30 先乘旅遊巴往Tivat(40mins)
09:50到達Tivat的碼頭,準備上船…..唔係呢一隻……
…..都唔係呢一隻……
…….更加唔係呢一隻……
係呢一隻至啱!因為參加人數眾多,所以旅行社出動了兩隻相同的遊船同時出發!
上船後,選了與一家三口的家庭坐!
呢個家庭來自烏黑蘭,他們不懂英語,但整天與他們結伴,雖然雞同鴨講,但大家都聊得好高興!尤其是他們的女兒Alona,好喜歡跟著我同小高玩!枱面上的摺紙,是我們一開始跟他們溝通的工具!
Alona也很喜歡Ann and Andy!
這是我們今天的導遊
船的上層,很多人在晒太陽,請各位眼睛吃冰淇淋!
11:15 第一站,上岸往Herceg Novi古城觀光
€1/p 入古城城牆,風景一般
12:15 返回遊船繼續航行,13:10轉乘駁船€3/p往Zanjice藍洞游水
就係呢個洞啦!
嘩!D水真係藍色架!因為係陽光的折射,所以海水變成了藍色!游得相當過癮!不過當日被受注目,第一本身係少有品種亞洲人,第二著一件頭泳衣真係無幾多個!第三因為車厘子不熟水性,想玩得放心,唯有厚面皮問船主借水泡用囉!眼見D人望住我陰陰咀笑,我都唔理得咁多,最緊要enjoy myself !
玩咗唔係好耐,就要走啦!
睇住洞穴慢慢遠去!
14:10 返回遊船,繼續航行,Ann and Andy又上了船的上層玩!
仲學人哋晒太陽!
16:00 前往Perast—人工湖中小島Lady of Rock
話說一四五二年，兩位漁民在小鎮對開的海中心，發現了一塊岩石，模樣有點似聖母瑪利亞。自此每逢船隻經過，水手都會向像聖母的岩石投石致意，日積月累，終於成為一個三千平方米的小島。後來更索性在島上興建一座教堂，名為Gospa od Skrpjela，不過當地人更喜歡稱之為Our Lady of the Rock，與旁邊的天然小島St. George為鄰，屬遊客必到景點之一。
Gospa od Skrpjela參觀€1/p ,陳設裝修都好華麗
旁邊的天然湖中小島St. George
17:20 遊船再駛到另一個古城Kotor, 於一九七九年,被聯合國列入世界文化遺產,從此遊客絡繹不絕,成為黑山必遊景點之一!
從地圖上看，Kotor呈三角形，兩面環海，一面靠山，始建於九世紀，向來是漁民、水手聚居之地。瘦田耕開，自然有人爭，所以歷史上的Kotor，經歷過多次大大小小的戰爭，居民忍無可忍，於是築起一道全長四公里半的護城牆，將古城重重包圍其中，力拒敵人於門外。
可惜，防得人禍，卻防不了天災，七十年代末期發生嚴重地震，震去了古城半條老命。今天Kotor的面貌，不少都是靠努力重建、修葺而成，所以你會發現城內環境非常光鮮，有很多露天Cafe、酒吧及酒店，錯綜複雜的小路，令人想起彼岸的威尼斯，那一份悠閒的地中海風情。
進城費€0.5
於城內,很多人在售賣絲帶繡的枱布
見到可愛的BB,不忍要替他們拍照
18:30完成今天的旅程,乘旅遊巴回Budva!因為今日的船河,整天與烏克蘭家庭一起渡過,玩得很開心,所以車厘子覺得係旅程中最回味的其中一天!
19:30 於Budva的海濱長廊,一間BBQ快餐店Zeleni Gaj晚餐
點了牛肉卷及雞肉卷,仲可以自己加配料,非常美味!加埋汽水,埋單€8.5/2p
之後仲有餘慶,經過一遊樂場,難得小高提出話玩踫踫車,車厘子一於奉陪!€1.5/p,非常刺激,玩完之後,工作人員因為要試車,再免費醒我哋玩多一次呢!
20:30 非常盡興,回酒店(Bojkovic House)休息!
去Day 7 
沒有留言:
張貼留言