18/11/10 (四) 秘魯—普諾Puno 不忿氣尋晚未能book到去Cusco的火車票,於是今朝起身再試下,終於成功咗!Book完之後,請酒店職員幫忙print out火車票! 08:40 食早餐
嘩!好感動呀!有麵包之外,仲有Ham,芝士,密瓜,牛油果,香蕉,乳酪,有埋鮮橙汁及鮮芒果汁呀!好好享受今天的早餐!
09:10 今天上午市內觀光,下午才去Sillustani看遺跡
出酒店之後一分鐘,到達Parque Pino廣場
有間教堂,仲以為呢度係武器廣場Plaza de Armas
見唔見到小高,小陳,小蔡喺度研究緊?
唔係…唔係呢度呀!要經過呢條Independencia大街先至到呀!
原本經過呢條街,5分鐘可到達Plaza de Armas,但係兩旁大把紀念品店,點會咁快去到吖?足之行咗成個鐘先至到!
一大兩細手織可愛羊羊Sol 10 (HKD27.9)有三件,抵!
小陳想買年披肩俾媽咪,不過最後都係睇唔啱!
披肩?車厘子就買咗一件!
蘆葦織的吊飾
遊客多的地方就有乞兒!
大街的地下上有不同的美麗圖案
咦?咩事?咩事?
哦!原來係示威呀!企圖問過周圍D人佢哋咩事示威,最終都係聽唔明!
好大埋人呀!條示威人龍好長呀!
仲有新聞轉播,一定好大件事!
10:00 終於來到武器廣場Plaza de Armas
大教堂
於廣場旁,有些建於17世紀的古老房屋Casa del Corregidor,不過唔係去欣賞佢嘅建築,而係去入面嘅紀念品店!
10:40 下一景點,係去海軍博物館,沿途的人事物都好有趣,一一將它拍下!
11:00 終於到達海軍博物館,不過有個學緊英文的海軍哥哥同我哋講,今日唔開門喎!咁咪白行一趟?離開前讚海軍哥哥兩句,話佢學英文好勤力,英文講得好好,點知佢叫我哋稍後再來,會叫人開門俾我哋參觀!吓?咁都得?咁你真係好得喎!話開就開!
於是我哋先去前面幾條街的Market(其實唔係想去呢個Market,只係搵唔到原本想去的Handicrafts Market,後來至知道要再行前多小小至到!lonely planlet上的地圖唔啱架!)
小朋友d玩具係咁樣買的!
好平好甜芒果,好似澳洲芒咁好食! 買咗兩個,只需Sol 1.5 (HK 4.2)
11:30 行完Market,行返轉頭,個海軍哥哥真係開咗門俾我哋參觀!
免費入場,地方好細,可看秘魯船的發展史,唔係太吸引,不去也罷!
11:45 到達中央市場 Supermercado Central買紀念品,價格便宜,不過品種較少
去咗二樓呢個嬸嬸個檔買傳統布匹(可當枱布),講價至Sol 12(HKD 33.5)一塊,好抵!
12:05 去呢間南華酒家午餐,Chifa 在當地是中國餐的意思!
叫咗幾碟小炒,都係一般貨色!埋單Sol 68 (HKD190)
食唔晒喎,唔好嘥,打包返酒店啦,其餘送給了街邊的乞丐
13:00 回程返酒店,點知行錯路,行多咗,順便當散步!
13:30 回到酒店,壞人Roberto又出場啦!原本約好咗佢帶我哋去Sillustani,點知佢話因為有示威,去Sillustani的路不通,要取消改去另一古蹟Cutimbo,真可惜,無計!咁價錢點計先?呢次唔好坤我哋,我知道路程短d架喎,佢先至由Sol 80減至Sol 70(HKD 195) /4P!
車到啦!咦?點解呀Roberto唔上車?唔係你帶我哋去咩?原來俾佢坤咗,尋日言之鑿鑿話會做我哋個Guide,原來係講大話,同佢對質時,就話自己d英文唔好,大家誤會咗!最衰係我哋已經俾咗Deposit佢,無理由依家唔去o架?
最終,都係要俾Sol 70給Roberto,跟住同個司機拆帳!司機唔識英文,我哋問都無得問,只係當的士咁車我哋去返Cutimbo!咁早知我哋自己截的士都無咁貴啦!
咪住先….咁聽日去島嶼遊,又係唔係呀Roberto你帶先?原來真係唔係,佢其實係將我哋賣咗去俾旅行社!激到我哋死,正一大話精!如果有邊個見到佢都唔好信佢呀!
14:00 出發往Cutimbo,約20公里,車程約50mins,門票Sol 4/P
是前印加時期墓塔群遺址
這遺址在一座平項的火山頂部,四周是廣闊的平原
行上山,索晒氣!
有個山洞,入面有D骸骨
保存得很好的葬禮塔Chullpa,有四方型及圓型, 以巨大的磚石壘積而成,是印加石牆技術的先驅。
無導遊帶住,只可自己睇書,或者偷聽下人哋個團嘅導遊講乜!聽下先…唓…又係西班牙話!
16:30 回程
17:05 已回到Puno市中心,為求安心,先去check下賣咗我哋俾呢間旅遊公司,聽日的島嶼遊有無我哋個名先!好在check到,順便問埋個價,嘩!開價仲狼死Sol 27!好彩我哋講價至Sol 17 報團,其實都無蝕,只係覺得俾人坤咗唔開心囉!下次會精d架啦!
聽日去島嶼遊幅圖,先去漂浮島Islas Flotantes,再去Isla Amantani及Isla Taquile 二日一夜
嘩!乜示威仲未完結咩?真係長氣!
返去Independencia大街,又再Shopping!買咗幅油畫,係馬丘比丘嚟o架!都幾貴,要US 32
20:00 今晚各自搵食,車厘子食返中午的打包飯,於是去咗酒店的廚房 ,個職員好好人,任由我自己炒熱返D飯!
聽日去的的喀喀湖Lake Titicaca島嶼遊啦!
沒有留言:
張貼留言