22/11/10 (一) 秘魯—庫斯科Cuzco—>聖谷(Sacred Valley)—>阿瓜斯卡連特斯(Aguas Calientes) (音 丫誇時 卡le an tes)又稱熱水鎮
07:30 於酒店食早餐
有車厘子鍾意食嘅朱古力脆片,好開心!
酒店外的美麗的武器廣場Plaza de Armas,今朝陰天,仲有少少雨毛!
今日參加咗Marcelo’s旅行社的聖谷(Sacred Valley)一天遊,Sol 20/P(HKD 56) 相約好08:45 於旅行社門口等,跟住有職員帶我哋去轉角處上旅遊巴士
09:00 出發啦!有雙語廣播導遊,非常盡責專業
今天的行程將會係先去皮薩克Pisac,於烏魯班巴Urubamba午餐,再去Ollantaytambo,最後往Chinchero,然後返回庫司科Cuzco
但我哋將會繼續前往馬丘比丘山腳下的阿瓜斯卡連特斯Aguas Calientes,所以參觀完Ollantaytambo之後唔會跟團回Cuzco,即係放棄咗Chinchero嘅行程!
09:30 到達Pisac(海拔2715公尺) 先參觀市集,今日係星期一,只有固定的檔口開檔,如果係星期日,會更加大型,非常熱鬧!
帶住佢去打劫銀行幾好架!!!
傳統公仔
當地人好犀利,用呢塊布,孭仔又得,孭貨又得!
撩下即笑,真可愛!
又有人帶住羊駝搵食,今次仲有個o靚仔!
唔得,太可愛啦!車厘子都去同佢哋影相先!Sol 2
生果檔都有!
小高同小蔡去咗影其他羊駝
10:00 上車再出發
聖谷(Sacred Valley),又名Valley Sagrado峽谷,由烏魯班巴河貫穿!附近有很多印加遺址,最出名的有Pisac的印加城堡及Ollantaytambo
遊覽此等遺跡,均須買票Boleto Turistico del Cusco,有一天票Sol 70(HKD 195)及十天票Sol 130(HKD 363),可遊覽多個參觀點(不包馬丘比丘入場)
小陳因為去完馬丘比丘就要走啦,所以買咗一天票,我哋其餘三個買咗十天票!如會參觀Cuzco其他景點,值得購買!門票於景點外均有發售!
10:50 到達皮薩克Pisac的印加堡壘Inca citadel
進入遺跡,要先行一段山路約4公里
遊客不愁無購物的機會
其間可欣賞山下河谷村莊的壯觀景色
很多梯田
懸崖上有很多蜂窩狀的印加墓穴,但已被盜墓,洗劫一空
於梯田的頂部是祭祀中心
廟宇保存完好
沿山崖邊有條小路…
岩石中開有一條小隊道…
穿過之後想繼續向前行,但係集合時間已到,唯有返轉頭吧!
小路上看山頂的祭祀中心
印加人鋪砌牆壁的高超技術,無一點縫隙
12:00 咦!有粟米賣喎!小蔡買咗一支上車食!
好得意架!大大粒,澱粉質好重,旁邊的是芝士(唔好食架!),因為淡味,所以要加鹽食!
13:30 到達烏魯班巴Urubamba午餐Sol 20 (HKD 56) 團費唔包
又係秘魯自助餐,選擇很多,幾好食!
14:50 到達Ollantaytambo (音O lan tay tum bo) 需持Bolteto Turistico票進入
這城池是印加城市規劃中保存得最好的其中一個遺跡!對於印加人來說,這既是堡壘,又是廟宇.祭祀區於梯田的頂部!
當年印加王曼科投石彈並水淹下面的平原,少有的大勝了西班牙征服者!
城池對著的山頭,咦?有個人樣喎,見唔見到?
Zoom近d再睇下,睇到未?
咩故事?無心機聽加上唔係好明,所以無得話你知!
梯田下的村莊,市集
山上的祭祀中心
咦?呢個咪係尋日的台灣團友宜平?原來佢join咗另一間旅行社,行的是同一行程,見佢仍然係好用心的在聽導遊講解及作記錄
參觀完後,沿山路落山
15:55 回到市集
團友上車繼續前往Chinchero,然後回Cuzco,我哋四個加埋幾個團友,包括哥倫比亞叔叔及阿根廷哥哥,留在Ollantaytambo鎮,等待今晚19:30 的火車前往阿瓜斯卡連特斯Aguas Calientes
依家至四點,仲有幾粒鐘,於是搵咗間餐廳打躉Mayupata Restaurant
嘩!d嘢食好貴下喎!近馬丘比丘的地方,物價果然貴好多!
係咁依叫咗d juice及蒜蓉包
跟住輪流出去市集Shopping
最吸引車厘子都係d handmake公仔
真係好靚,好有特式,行咗一圈,最靚都係呢檔,車厘子忍唔住買了一個,都只不過係Sol 16 (HKD 45),可愛的公仔係呢兩母女做架!
Ann and Andy都話要同佢哋影相!
呢個婆婆真可愛,頭頂有盤花!
羊肉串檔,小蔡又買咗一串大家試食,好味!
18:30 於餐廳就住叫咗小小食物,因為真係貴得不值!食物不太好食!之前的果汁加埋以下三樣食物,埋單Sol 110 (HKD 301)/4P
18:50 行過去火車站,唔使再買飛,因為幾日前已自己上網買票,並且已列印出,持這列印出的票已可以直接上火車
Perurail 去程Ollantaytambo to Aguas Calientes US 35/P
19:33 - 21:49
回程 Aguas Calientes to Poroy US 56/P
17:03 - 21:01
排隊上車時又遇見哥倫比亞叔叔及阿根廷哥哥,仲有認識咗西班牙男及瑞士女情侶,其後又再遇見他們,現已成為facebook朋友
人頭湧湧,原來唔係呢架!
呢架係啦!上車!
上車前要check車飛及passport!
車廂好四正喎,仲有天窗架!更係啦,呢架係專俾旅客去馬丘比丘嘅列車,又咁貴,梗係靚啦!
仲有小食及飲品派
20:50 到達Aguas Calientes,係馬丘比丘山腳下的村莊,物價很高
於幾日前上網book的 Hostal de Turistas Chaska,酒店職員於火車站pick up我哋!地點超方便,距離火車站3-5分鐘步程,職員友善,房間清潔,包早餐,明天Check out後仲可以用房沖涼
但無internet或Wifi,價錢很貴US 53.2/EnsuiteTwin Room
其實可以試下walk in,問過其他附近旅館平好多,但老闆或職員不懂英語!
Lobby
其中一房間,有三張床,其實唔會瞓好耐,因為聽日四點就要起身,上期待已久的馬丘比丘啦!Yeah!
可是…半夜下起雨來…真有d擔心聽日嘅天氣!
沒有留言:
張貼留言