8/11/10(一) 智利Chile—聖佩德羅-德阿塔卡馬San Pedro de Atacama
—->玻利維亞Bolvia— 烏尤尼鹽湖團Uyuni Salt flat tour Day 1
07:30 於Hostal早餐(房費包)
08:05 Expediciones Estrella Del Sur公司的van仔來到Hostal pick up我們
今天過境往玻利維亞,開始三天的烏尤尼鹽湖團Uyuni Salt flat tour CLP 60000 (HKD 984),價錢偏貴,因未有盡力殺價!
跟住Van仔再去pick up兩名外國男仔(都幾型仔o架
車行了20分鐘左右,原來已到達智利Atacama的邊境要出關了!人龍好長,排咗半粒鐘,於排隊的時候,車厘子開始向兩位型法男打開隔膜,佢哋一個叫阿Yann,一個叫Seba,是非常要好的朋友!原來佢哋三日後要用多一日時間走回頭路回Atacama!
出關過程順利,不過記得要出示於智利入境時給予的入境紙!
09:00 出關後再上車,Van仔又行了40分鐘左右,到達玻利維亞的邊境,海拔已爬升至四千幾米!又要將行動速度減慢!海拔高咗,氣溫又下降咗!
09:40—>08:40 玻利維亞比智利慢一小時(慢香港12hrs)
海關只係一間小屋仔,人好少,所以唔使排隊!
緊張時刻到啦!我同小陳先入,關員看見我哋嘅BNO係英藉,但個樣係中國人,所以問我哋Chino?我哋一於答British!關員再問Chino?再答British!問多一次,Chino?再一次肯定地答British!結果順利地印下玻利維亞的入境印啦!其後小高及小蔡也同樣順利取得入境印!過程比想像中順利!
中國人入玻利維亞境經常受到留難,因兩國唔夠友好嘛!持特區護照必須簽証,但要去到北京或南美其他國家簽發,困難從從,最終未必簽發!唯有用千幾蚊申請BNO扮英國護照入境,但係都未必一定得,因為都曾有網友受過留難而未能入境!想知多d可以參考網友的討論!
據聞近智利Atacama呢個關口比起近秘魯邊境的Copacabana或Desaguadero的關口容易過關,大家可以參詳一下!
09:00 過境後,司機Simon已準備好早餐啦!嘩!有火腿呀!之前的早餐都只係Butter and jam咋!俾面你呢塊火腿,再食一個包啦!仲有熱辣辣美綠飲呀!
一邊食,一邊等待由玻利維亞帶住遊客回程的四驅車!
再同Yann and Seba閒聊,原來佢哋識西班牙文,但係唔叻,識英文,但更加唔叻,所以好多時候,只說西班牙話的司機Simon用十句介紹完景點,佢哋都只係用一句英文翻譯俾我哋聽!
09:30 四驅車到啦!交換人質及行李,回程遊客話沿途風景好靚,我哋都好期待!
09:50 Yeah!正式出發啦!Simon拎咗D 古柯葉出嚟,叫我哋放三片放在咀裡含,可緩解高原不適!仲可以用來泡茶!當地人也好喜歡嚼這古柯葉,包括Simon!
10:00 先到國家保護公園的辦公室買門票Bs 150/P (HKD 186)
(於Atacama要先兌換Bolivian錢,但不要兌太多,因兌換率很低,不化算!)
平均兌換價 1US=Bs 6.29 1Bs=HKD 1.24
10:10 到達Laguna Blanca(White Lagoon)
遠距離看見很多火烈鳥Flamingoes
10:30 到達Laguna Verde (Green Lagoon),湖水碧綠得好靚!湖後是海拔5930米的火山Volcano Licancabur!
10:40 Decierto Rocas del Salvador Dai (Dali Rock Desert)
不同顏色的山,好靚!
你影我,我影你!
11:30 Polques Hot Springs
又係浸溫泉時間啦!又只有我同小高浸,小陳及小蔡只浸浸腳!水溫約30度,非常舒服,爽!
呢次換衫唔使咁狼狽啦!因為俾Bs 2 (HKD 2.48)就可以在Changing room換衫!
溫泉附近便是Chalviry Lagoon (Salt Lagoon)
13:10 Geyser sol de manana (Morning Sun Geyser Basin)間歇泉盆地,
因為已經唔係Morning,所以睇唔倒間歇泉噴水!
非常熱的琉磺噴氣坑
海拔4650米!幾好,小陳隻新錶可以隨時睇下海拔有幾高,不過好可惜….呢一張係佢隻錶嘅遺照,因為小高同小蔡借咗隻錶來睇,睇下睇下,唔知幾時唔見咗,後來至發現呀!哦…..以後無得睇海拔lu!好彩小陳夠大方,重話唔使佢哋賠呀!從此,海拔錶就在高海拔的地方幸福快樂地生活下去啦!
14:00 到達Hostal Hualla Jara,今晚住宿的地方!
非常簡陋,只在晚上供電,共用廁所,無浴室,當然熱水都無供應!
14:30 有午餐食啦!有好好味嘅薯蓉,雞肉腸,蕃茄及青瓜,雖然非常簡單,但係我好鍾意食喎!重食咗好多!
餐後,Simon幫我哋又大又重的行李由車頂拎落嚟,重有勞兩位型法男幫手!
15:50 再出發往Laguna Colorada (Red Lagoon)
見到好多羊駝!
重有好多火烈鳥Flamingoas,好壯觀!
沿著湖邊漫步欣賞美景
17:15 今日行程完畢,回到旅館,下午tea一tea先!
未有耐食晚餐,幾個鐘有咩好做呢!出面又咁凍,隔離團在玩啤牌,而我哋就….
努力的在做功課—寫遊記,只有小陳最輕鬆,因為佢唔做功課o架!
在此要鳴謝小高於咁凍天氣底下,幫我用冰咁凍嘅水順便幫我洗埋件泳衣(需然扭得好唔夠乾)!
19:50 終於有晚餐食啦!係ok好味嘅薯仔菜湯同埋唔好食嘅肉醬意粉!好又一餐,唔好又一餐啦!有紅酒,不過唔啱我哋,啱晒兩個型法男!
隻Monchichi係呀Yann o架,原來佢同車厘子一樣,成日帶住佢去旅行影靚相o架!呢幾日Ann and Andy又多一個朋友仔同佢哋玩!
供電只由19:30至21:30,所以21:30必須就寢!六人一房男女同眠!
車厘子對面就係兩位型法男啦!早呌!
沒有留言:
張貼留言