2/11/10(二) 智利Chile—復活節島Easter Island
05:30起床,執好行李,將d唔用嘅行李寄存於Hostal,只帶小行李去復活節島!
預約咗06:30食早餐,點知hostal個職員重未預備好,06:45至有得食,同一時間的士司機已到,原來hostal職員幫我哋book咗間超貴嘅airport transit service的士公司,玩嘢咩,由機場來的時候只需12000 CLP,依家要19000 CLP( HKD 310),但係人車已到,唯有貴都要照俾啦,不過俾得條氣唔順咁啫!
車費貴D,司機叔叔執得個樣都靚仔d
07:50到達機場,於Lan航空公司(上網book機票時用Chile版面book價錢會平d,詳情可到此討論區看看!)用自助check in機print out登機証,跟住將行李過磅,此時遇到一對香港來的couple,以及網友鼠牛,可以交留一下資訊!
機場有好多好靚摩艾像賣,不過好貴!
原本09:30起飛,delay至10:15才飛得起,飛往復活節島需時五粒鐘,但與智利有時差兩小時,所以落機時係13:30
復活節島又稱為大拉帕島Rapa Nui,又稱Isla de Pascua,於1722年的復活節由一荷蘭航海家首次登陸這小島而命名!這遠離智利本土的神奇孤島,係考古學家的樂園,充滿神秘詭異的文化線索!
機場細小,一步入大堂已有當地歡迎儀式!一邊取回行李,一邊已看見很多人來接機.
很快已看見車厘子的名字,咦?但係睇真d,係一間我book咗兩次但係都無覆到我嘅Hostal Mininea camping喎!當時無覆我,我梗係上網book過第二間啦!
之後就見到我真係book咗嘅Sinai民宿屋主來接我哋,差d上錯人哋架車!
14:00五分鐘車程,已到達市中心安加羅亞Hango Roa,民宿位於郵政局對面,地點非常方便,一間套房內有兩間雙人房,一個小廚及浴室,房間清潔,有wifi(不過在房外),只係收US100/四人套房/晚,不包早餐!屋主夫婦Geronimo及Virginia友善,唯一缺點便是他們不懂英語,溝通非常有難度,不過好在話晒小高嘅西班牙話有高班程度(車厘子都有初班程度,不過學咗嘅俾返晒miss啫!),可以用簡單單字溝通下,再唔係出動埋本電子快譯通,基本溝通勉強過得去!除去溝通呢一點,呢間民宿值得推薦!
Virginia話如果係Cherry介紹的,都係呢個友誼價喎!virginiateao@gmail.com send e-mail 預約時,要用google translation翻譯為西班牙文!
除咗接機嘅時間送咗花環俾我哋外,到民宿後仲有新鮮有肉粒波蘿汁作Welcome drink架!
努力溝通一輪後,終於達成協議,明日及後日兩天,由Geronimo駕車帶我哋遊復活節島,US100/Day/4人,每天六至七小時,價錢合理,不過可惜是沒有英語講解!
是日午餐:自備餅乾
15:30 打算步行出外去博物館Museo Antropologico Sebastian Englert,Geronimo指示完我哋路向後,我哋仲仍然係行錯路,於是佢太好人啦!車我哋去博物館,嘩!原來都唔近喎!去到之後發現博物館呢幾日都會關門,真係唔好彩!
於是Geronimo再車我哋去supermarket購買糧食.(島上有多間大小超市,不過超貴!)
之後以為佢會車我哋返民宿!點知佢車咗我哋去遊覽附近的景點,吓,乜唔係聽日至開始行程咩?唔通佢聽日想提早收工,抑或係怕跟住D行程太多會太趕,今日去住D先,因為溝通障礙,到現在都係一個”迷”!
17:00先參觀市內近海邊的Ana Kai Tangata鳥人洞穴
係一個大洞穴
在洞穴的頂上有鳥人文化的圖案
跟住再帶我哋去觀賞其他洞穴
18:00 好開心,終於看見第一個摩艾像Ahu Riata,佢好孤獨咁一個豎立在海岸邊!
背著岸,不知道它正在想什麼?
19:00回到民宿,小陳及小蔡出去影相,小高先行梳洗,車厘子則下廚主理今天晚餐!
20:00 搞錯呀,煮完好耐啦!呢個小陳同小蔡玩到仲未返,我同小高一於食先啦,唔等佢哋!
愛心腸仔雜菜意粉,好好味架!
21:00餐後及梳洗完後,於房外上網一會後就寢!聽日繼續遊復活節島!
沒有留言:
張貼留言