7/11/10(日) 智利Chile—聖佩德羅-德阿塔卡馬San Pedro de Atacama
今日跟兩個Local團去參觀,早上先去Geyser del Tatio間歇泉團CLP 14000/P(HKD 230)
晨早03:30起床,04:00旅行團Van仔到Hostal來pick up我哋,已預告去到間歇泉會好凍,所以出動所有禦寒衣物—冷帽,頸巾,手套,打底衫褲,羽絨通通出動!
今日導遊原來又係尋日嘅Angela,雙語講解得不錯!
路程很遠,差不多七點才到達距離Atacama 99km的Campo geotermico del Tatio,海拔4320米,要慢動作,否則會氣喘,天氣只得零下7度,勁凍!因泉水只會在清晨噴出,所以要咁早出發來看!需另繳入場費CLP 5000/P(HKD82)
呢度有約40個間歇泉,噴出來的泉水可高達10米,溫度達攝氏85度,所以導遊多次叮囑我哋要小心,曾有遊客觸及泉水燙傷及死亡!
07:45 日出了,氣溫上升,無再咁凍,但係我都仲係好凍!!!食咗早餐才好d!開壇….
早餐有芝士麵包,雞蛋,曲奇餅,朱古力,熱飲,食完之後才暖返好多!
08:15 早餐後,可以去參觀溫泉,這裡的溫泉多達60個之多,之後就梗係浸溫泉啦!有指定可浸的溫泉,泉水攝氏20-40度!
泉中有多個泉眼,近泉眼的地方比較熱,有d地方又唔夠熱,水溫不平均!不過於冷天氣下浸溫泉,都係好舒服,小陳及小蔡因無預備泳衣,所以無浸到!
上水嘅時候就知味道,又凍又怕有人經過,無遮無掩,小陳幫我同小高圍住毛巾換衫,非常狼狽!
09:00再乘Van仔出發,因海拔高,於車上小陳開始感不適,有頭痛及嘔心感覺!
10:20 之後再到達Machuca的濕地,看各種講咗又唔記得名的雀仔!
羊駝（Alpaca），又名駝羊，屬偶蹄目駱駝科，外形有點像綿羊，一般在高原生活，世界現有羊駝約300萬隻左右，約90%以上生活在南美洲的祕魯及智利的高原上。
於旅途中第一次看見羊駝,再細分其實有Llama,Alpaca,Guanaco及Vicuna四種,想知多d,不如自己click入睇下啦!
咦?張相右上角咩事?睇下個鏡頭,原來係個CPL鏡爆咗,諗返頭先在廁所內,個背嚢曾趺在地上,梗係果陣出事啦!
結果三百幾蚊嘅偏光鏡就報銷了!嗚…嗚….
導遊Angela再帶我哋去近距離影下d羊駝,嘩,咁遠,氣喘呀!加上有d頭痛,都係你哋去啦!我都係留在車上,陪小陳!
11:45 回程時於一小村莊小休
呢個叔叔請我試了一舊羊駝肉,有D似羊肉,有D似豬肉,都幾好食!
14:00 回到Hostal,上午團完畢,下午團於4點出發!小陳不適,留在Hostal休息!小高,小蔡及我出街搵食及shopping!回到Atacama,海拔已無咁高,所以已經無頭痛情況!
為節省時間,決定買烤雞回Hostal食,但係佢太好生意啦!好多當地人幫襯!要等到15:15才可取雞,於是先去參觀教堂及shopping!
見到呢間用似泥頭旅遊車的Grado 10公司,於廣場附近!
距離Hostal五分鐘步程的武器廣場Plaza de Armas
廣場附近的聖佩德羅教堂Iglesia San Pedro
廣場以北有間Paseo Artesanal購物中心,可以慢慢shop!
可舒緩疲勞,饑餓,寒冷,高山反應的Coca Leaves古柯葉
經過我哋參加tour的旅行社Desert Adventure
13:30 取完烤雞後,回Hostal品嘗,Yummy Yummy!果然真係好正!CLP 4100/3P (HKD 67/3P)
買咗個沙律給不適的小陳食CLP 3200(HKD 53)
16:00 出發往Valle de la Luna月亮谷團CLP 5000 (HKD 82)需另繳入場費CLP 2000/P (HKD33) 今次帶隊係個男導遊,個名唔記得啦!
小陳想多D時間休息,所以都係唔去呢個下午Tour!不過團費已交,好在唔係好貴!
16:30 先往距離Atacama 2km的Death Valley
這地域都是長時間經過風及雨的侵蝕下形成
行過這死亡谷,非常大風,
好辛苦咁行咗落去,以為架旅遊車在前面等我哋啦!點知個導遊話係時侯行返轉頭啦!吓!你早响嘛!早知我哋唔行落嚟啦!行返上去嘅時候仲辛苦,d風打在臉上,逆風而行,好金呀~~~上車之後,其他團友都埋怨導遊,應先作briefing,等團友自己決定行唔行!車厘子也出聲和議!
導遊仲話,呢個係一個train大家體能的團喎!咁啱嘅,往後日子仲有好多山要行!
18:00 另一個景點,Cordillera de la Sal (Salt Mountain Range)
參觀Las tres Marias (The Three Maries)
又係大風到飛起!架相機慘囉…入晒塵!
19:00 到月亮谷Moon Valley看日落!
行到上山,需然只係行咗短短15分鐘,但已經行到索晒氣!
等待日落!
日落景色一般,回去後我哋同小陳講,今日無去呢個團都無咩損失!
20:10 回程,20:30回到Atacama,到Expediciones旅遊公司訂三日後往La Paz的巴士票,為免到時無位!再問及有關Uyuni三日團的問題時,才知道我哋聽日嘅司機係不懂英語的,如要請英語導遊要加US 40/P,重要無價講!太貴啦!算啦!唯有寄望我哋聽日嘅團友可以幫我哋翻譯!
21:30 回到Hostal,找老闆Pancho找數,再送了對筷子俾佢,佢開心,我開心!
是日晚餐:入廚房叮返熱中午食剩的薯條
小陳休息了半日,已好返好多,聽日可以一齊向玻利維亞更高海拔的Uyuni團出發!
沒有留言:
張貼留言