5/11/10(五) 智利Chile—復活節島 Easter Island—>聖地牙哥Santiago
08:30 早餐:福米粉+昨晚Virginia送的木瓜
最後半日於復活節島,景點看完,最好節目梗又係Shopping啦!
今日自由活動,車厘子自己行Av Atamu Tekena大道
踫見Joseph在試車,想租呢種越野車遊島,我俾意見佢,架車無遮無掩,咁樣係好大塵的,唔知佢哋最終有無租呢?
10:25 於Mercado Artesanal購物,記住要講價呀!
街邊賣蔬菜的流動車
商店Shopping
必買手信Moai Magnet
市內有好多大小超市,不過價錢都好貴!應盡量於聖地牙哥預先買定!
仲有幾家有表演的餐廳,也可作為選擇之一!
有information centre,參加tour好方便
有摩艾像樽的Pisco Sour,想買,不過要帶住幾個禮拜唔方便,所以都係無買到!
行咗去個遊樂場,幼稚園生在玩耍!
咦,呢間係乜東東呢,入去八下先,原來係間銀行!
行下行下,又行咗去海邊!
風景好美麗!
又有一間information centre!
又去人哋間高級酒店八下!
11:30 返到民宿,收拾行李,預備離開,並且準備好小禮物送給屋主Geronimo及Virginia,呢d小禮物都係由香港帶來,作為送給當地人一點心意!當Geronimo夫婦收到小禮物,顯得不知幾開心!
12:00 Geronimo開車送我哋去機場
於機場見到呢個以為係垃圾筒,原來係電池回收箱,咁得意影下先!
飛機14:00才起飛,Check in完重有時間食下蛋糕lunch!又重遇網友鼠牛夫婦,又交流一下大家於復活節島的經歷!
之後四圍去影下相,又看見這隊Band準備歡迎落機的旅客,時間過得真係快,無幾耐之前我哋先至落機經過呢條路之嘛,依家就要行隔離條路上機啦!Easter Island,Moai,好唔捨得你呀!唔知有生之年,會唔會再嚟一次呢?
14:10 上飛機啦!再一次向Easter Island及摩艾 say goodbye!
16:30(18:30 聖地牙哥時間)是日晚餐:飛機餐
話說食餐之前,車厘子以為自己唔見咗張SD咭,所以周圍咁搵,搞到無晒心機,張餐前相都無影到,食完餐之後於手袋內搵返,原來係自己嚇自己,無事啦!補影返張晚餐照!
機程差不多五小時,加上聖地牙哥比Easter Island快兩小時,所以回到聖地牙哥已經係21:00
阿公無錢用啦!於是在機場再以美金兌換智利幣,又剛巧踫見兩日前在Easter Island郵局相遇的小文,佢要離開智利啦!所以想兌回智利幣作美金,我哋重以朋友價幫佢兌回,無收手續費o架!都話呢個世界好細o架啦!
之後,又見到d的士舉牌人兜生意,不過呢次講價唔成功,都係15000 CLP (HKD 246) 回到Hostal!不過相約了呢個的士司機聽日06:00於Hostal接我哋再去機場,呢次可以平d 12000(HKD 197)!
22:00返到聖地牙哥之前住過的Hostal Santa Lucia,四人一房30000 CLP(HKD 492)/room/Night
晚上的職員不懂英文,要透過電腦上的Google Translantion來溝通,搞咗好耐,先至俾到我哋之前已留位的房間我哋!
快快就寢,因為聽日早機,又要飛啦!
沒有留言:
張貼留言