6/11/10(六) 智利Chile—聖地牙哥Santiago—>卡拉馬Calama—>聖佩德羅-德阿塔卡馬San Pedro de Atacama
05:30 於Hostal預約了早餐,不過個職員似乎唔想做咁,遲遲都唔俾早餐我哋,駁我哋六點夠鐘就走人,我哋一於唔肯過佢,佢仲話早餐係八點開始才有得食,你耍我哋咩,之前有兩日我哋都係喺度食o架,咪又係咁早,結果佢都死死地氣拎咗早餐俾我哋,不過已經係05:50啦!要極速食完!
尋晚預約了的的士司機已到(CLP 12000),我哋食完早餐,就帶埋所有行李,出發往機場,離開聖地牙哥啦!
08:00 乘搭Sky Airline 往智利的北部城市卡拉馬Calama,機票是之前在香港上網book的(HKD 1075)
機上再食早餐
卡拉馬Calama海拔2770公尺,是一大片沙漠,因於1915開始開發銅礦(丘基卡馬塔Chuquicamata),因此很多人遷往卡拉馬居住!不過我哋於卡拉馬只係過境,目的地係聖佩德羅-德阿塔卡馬San Pedro de Atacama
10:00 到達卡拉馬機場
隨後即搭的士往東南面120公里外的Atacama(1 hr),的士開價CLP 40000 嘩,咁貴?梗要講下價啦!點知仲講緊時,司機發現我哋四人有五件大行李,話一架的士裝唔晒,要分兩架,吓?咁咪要CLP 80000?後來講價至CLP 70000兩架的士,想再平D,有計!因見要一個外國男子在似乎想搭的士,一於夾埋佢一齊搭啦,大家有著數,於是收返佢CLP 11000,咁即係我哋四人的士費是CLP 59000( HKD 967)
同車厘子及小蔡一架的士的Joey,現在是我我facebook朋友,來自美國亞利桑那州,22歲仔咋,已經可以周圍去,真好!(咦,我22歲時都有周圍去喎!)
途中司機停車俾我哋影下相!
Atacama 海拔2400公尺,可以在此適應一下,因之後去的地方,海拔更加高!
厲害!
11:45 到達於網上預定的Hostal Campo Base CLP 35000(HKD 574)Twin room ensuit with breadfast,老闆Pancho(音班鋤)懂英語,友善,會幫你報團及俾意見,會俾折扣!於網上有很好的評價,地點方便,房間清潔,不過價錢偏貴,但整體上都推薦!
客廳(佢唔係Pancho,Pancho係男人,佢只係一腳踢職員,唔識英語的!)
兩間房本來是3人房及Double room,後來即為我哋搬床,變身至兩間Twin room!
有廚房可用
後園有吊床o架!
好舒服,好好玩!
安頓好,Pancho向我哋講解各團的內容,建議我哋報以下tour!
今明兩日都係參加Desert Adventure公司的團
今日下午: Tour Lagunas del Salar CLP 12000/P—>11000/P(HKD180)
聽日上午: Geyser del Tatio CLP 15000/P—>14000/P(HKD 230)
聽日下午: Valle de la Luna CLP 6000/P—>5000/P(HKD 82)
本來想參加安地斯高原湖泊團Altiplano Lakes,但係Pancho話d景同Uyuni的差不多,建議我哋嘗試其他團!ok,接受他的意見!
另後日參加Expediciones estrella del sur公司的三日團往Uyuni,CLP 65000—> USD 120
13:30 出街搵食
不過要先到Expediciones公司交Uyuni三日團的費用,及解答我哋三日團的問題!(老闆懂英語)
其實鎮內仲有好多旅行社,報團可問多幾間格下價才決定,行程大致一樣!
Pancho介紹我哋來呢間SOL太陽餐廳午餐!
鮮榨果汁,好Fresh!
午餐款色一般,最好食都係我個意粉!
個餐仲有一小小片蛋糕!細片到差D會飄走!埋單 CLP 21000 (HKD 344)/4P
Atacama好細,好快可以行完整個鎮!
可愛的小朋友
16:00 出發往Tour Lagunas del Salar, Tour的Van仔到Hostal接我哋,一團約有16人!女導遊Angela會英,西雙語講解!
17:00 到達Laguna Cejas含鹽量高至可浮於水面,我哋一早有準備,於Hostal已換定泳衣來浮水!需另繳入場費CLP 2000/P (HKD 33)
不過好大風,海水好凍,要鼓起勇氣落水,不過游落又ok,重好好玩,唔怕浸親,實會浮起,一齊影咗唔少相!
遊完水後滿身是鹽
四周都沒有地方換衫,唯有抺乾身,將衣服穿上,含鹽泳衣仍在身上!
後來才知道旅遊車上有清水沖身,唔係化?又唔早响?依家已著晒衫梗係唔再沖啦!
18:00 再出發往 Ojos del salar
18:30到達,有兩個湖,可以遊水,但係導遊話湖水勁凍,唔怕嘅可以試下,我哋怕凍,所以無落水,只在旁影相!
好多旅遊團行程都一樣,所以有好多旅遊車陸續到達,其中呢架旅遊車好型,好似架泥頭車咁!
19:15 到達Laguna Tebinquinche看日落
一邊看日落,一邊吃茶點!
車厘子食咗好多曲奇餅好薯片(當晚餐食),好開心!
小高努力的在影日落照
大合照,都幾好玩的半日團,值得一去!
21:15回到Hostal才沖涼,影下車厘子的鹽頭俾大家睇!
沒有留言:
張貼留言